انا مين ؟؟؟؟؟؟؟؟؟؟؟؟؟؟؟؟؟؟

[bella vita]

من كلمات الدكتور أحمد بهجت:

♥♥♥ انا مين ؟؟؟؟♥♥♥

انا مين ؟؟؟

انا دمعة الليل الحزين – انا نظرة شوق و لمحة حنين
انا قطرة ندى على الجبين- انا همسة عتاب و صرخة انين
انا وادى الحيارى والمجروحين ........

انا مين ؟؟؟

انا طير حزين مربوط فى شجرة – انا قلب خالى وحيد فى صحرا .......

انا مين ؟؟؟

انا فكرة الولهان فى ليل طويل – انا شط الغرقان فى وسط النيل
انا اللى ياما قالوا عنى غنى ومواويل .......

انا مين ؟؟؟

انا بدخل القلوب من غير ما أدق الباب – انا ساكن بين ضلوع كل الاحباب
انا اللى ياما قالوا عنى انى سراب .......

انا مين ؟؟؟
انا الجمال فى كل مكان – انا الخير فى كل زمان
انا لمعة الألم فى عين كل ولهان – انا الشفا و الدوا لكل تعبان
انا الهدوء و السكن لكل حيران – انا الحنين و الدفا و الامان ........

انا مين ؟؟؟
انا اللى عاشوا طول عمرهم يدوروا عليه – انا اللى نورت قلبهم طريق يمشوا فيه
انا اللى اديتهم الأمل اللى يعيشوا بيه........

انا ازاى و فين و ليه ؟؟؟

انا كدة عشان انا اصل الحياة – انا هنا و فى اى وقت أو اتجاه......

انا ليه ؟ قصدك بيها ايه ؟ الألم والآآآآآآآآآآآآآآآآآه

دى حاجة عادية وده جمالى عشان يعرفوا انى غالى – و يسهروا فيا اليالى ....

لسه معرفتوش انا مين ؟؟؟؟؟؟؟؟؟؟؟؟؟؟؟

انا اللى جرحت المجروحين – وانا اللى فرحت الفرحانين
انا احلى كلمة من حرفين
انا ( الحب ) ...