عايز كلمات تركية تنفع اغنية هادفة وانا هلحنها واغنيها بسرعاااا

[MohammedSoliman]

السلام عليكم ورحمة الله وبركاته

اخوانى واخواتى .... الفكرة مش جديدة ، ولا فريدة من نوعها ، لكن جميلة وهدافة مثيرة
هدفى الغنا والتلحين ،، مشوارى طويل .. بس بلاش اطول عليكم هقولكم نهايته ، ان معظم المغنيين كلمات اى كلام ،، خدش حياء ماشى ،، كلام فى اى حاجة ماشى ولا فارقة معاهم ان كلامهم بيوصل البيوت ،ن بصراحة يأست ، بجد يأست اوى قولت خلاص سيبك يامحمد ( اللى هو انا ) من الحلم ده شوف اى هدف تانى ، الصراحة ... ماعرفتش
النهارده دخلت منتداكم الجميل ده وانا عندى طاقة وإصرار انى هلاقى شباب وبنات من خيرة الناس
هدفهم راقى جميل زى هدفى كده
عايز اغنى (بلغات مختلفة) أغانى اسلامية او انسانية إجتماعية كده يعنى

انا اعرف انجلش وشوية المانى عشان كده مطلـــوب الآتى :
حد يعرف لغة تركيـــة ، مش بس كده يعرف كمان يكون منها جمل يعمل منها اغنية اسلامية او ماشبه ذلك
ويكتب الكلمات بالعربى عشان اعرف انطقها لأنى مش دارسها ،، زى مثلا فى الانجلش (هاو ار يو) = عامل ايه ، فاهمنى ياجماعة ؟
ويكتب ترجمة كل جملة تحتها ، بحيث فى التلحين اعرف فين نهاية الرتم او الجملة . فاهمنى ؟

سامحونى طلباتى كتيرة ،، هاااا حد هايعرف ؟ صعبة مش كده ؟ معلش ، على فكرة ياجماعة مش شرط تركية اى لغة انت او انتى متقنين فيها ماشى بس لااازم الشروط اللى قولتها فوق دى عشان تعرف تتغنى اوك ؟

وللعلم ، انا هلحنها واغنيها بصوتى بدون عزف لأنى لسة ماجبتش الاورج بس ويااارب اوصل لخطوة فى حلم جميل انا واللى هيكتب الاغنية ،،
عاااااااااااايز حمااااااس بجد ياجماعة
والله المستعان

اخوكم / محمد سليمان