احمد فؤاد نجم احمد الهمامى
 

احمد فؤاد نجم احمد الهمامى صلاح جاهين اتمنى ان تعجبكم

صلاح جاهين

مع ان كل الخلق من أصل طين
وكلهم بينزلوا مغمضين
بعد الدقايق والشهور والسنين
تلاقى ناس أشرار وناس طيبين
!!!!! عجبى
عجبى عليك يا زمن يا أبو البدع
يا مبكى عينى دماً
ازاى اختار لروحى طريق؟
وأنا اللى داخل فى الحياة مرغماً
!!!!! عجبى
مرغم عليك يا صبح مغصوب يا ليل
لا دخلتها برجليا ولا كان لى ميل
شايلنى شيل دخلت أنا فى الحياة
وبكرة هاخرج منها شايلنى شيل
!!!!! عجبى
سنوات وفايته عليا فوج بعد فوج
واحدة خدتنى ابن والتانية زوج
والتالتة أب خدتنى والرابعة إيه
إيه يعمل اللى بيحدفه موج لموج؟
!!!!! عجبى

جيفارا مات
جيفارا مات
آخر خبر فِ الراديوهات
و فِ الكنايس
و الجوامع
و فِ الحواري
و الشوارع
و عَ القهاوي و َ البارات

جيفارا مات
جيفارا مات
و اتمد حبل الداردشة و التعليقات
مات المناضل المثال
يا ميت خسارة عَ الرجال
مات الجدع فوق مدفعه جوّه الغابات
جسّد نضاله بمصرعه
و من سُكات
لا طبالين يفرقعوا
و لا اعلانات

للشاعر احمد الهمامى
أحـــــب أعيـــش وأموت كما ولـــــــــدتني أمــي
زي الطـــــــيور والحيوانات العريانين ولا هـمي
الستره والبــــــنطلون مــش م الطبيعه في شـيء
وسواء لبست.. سواء قلعت.. هيبان حَمَار دمي
وآه
رباعيات للشاعر احمد الهمامى
هــــــــو انت حـــــى ميت .. ولا انت ميـــــت حى
ضامن نفسك الخارج يعود .. ولا يروح مش جى
عـــــارف مكــــــان تربتك خـــــــــابر معاد موتك
شـــــــــايف نفسك هتضحك ولا هتــــــــصرخ آى
وآه
رباعيات للشاعر احمد الهمامى
أوصـــــــــــــيك ياولـــــدي بإخــــــــواتك ولاد وبنـــــــــات
وإن مـــــــــــــــــت أنـــــــا إيـــــاك تسيبهم وإيــــاك تبـات
من غيـــــر ما تطــــــــــــــمن عليـــهم وتعايدهــم كل يوم
وإن جيـــت تموت وصي ولادك على عمامهم وع العمات
وآه
رباعيات للشاعر احمد الهمامى
كان ياما كان في سالف العصـــــــر والأوان
عبد اسود وصوته شجي بينبه الناس بالأدان
وكـــل يـــــــــــوم بعلو حســـه يقول: الله أكبر
الله أكــــــبر بلال العبد بقى حـر ورجع إنسان
وآه
لولا النعيم في الآخــره مـــــــش ع الأرض
والابتــلا في الدنيا مــــــكتوب على كـل فرد
أنا كنــــت دعـــــــــــــــــيت ربنــــــا بالخلود
ولا كنــــت صليت فرض ولا صونت عرض
وآه
رباعيات للشاعر احمد الهمامى
يا ميت ندامه عـلى اللي مالوهش حبيب
ده شخـــــص سادي غاوي شقا وتعذيب
عليل وأحــــــــــــوج ما يكـــــون للــدوا
لكن غبــــاؤه صورله إنــه لنفسه طبيب
وآه
رباعيات للشاعر احمد الهمامى
انا من خلفتك يا آدم ونفسي أعيش إنسان
مش زي ما أنا عايش مذلول مظـلوم مهان
الله خلــقنا كلنا من مــــــــاء مهــــين وطين
ولا حــــد زاد عــــــــــن حــــد إلا بالطـغيان
وآه
الله يخلـــيكي ليا يا ســـــــــــت الكـــل يا أمــــي
مين غيرك حملني ورعاني وشال سنين هـــمي
مين اللي قـــــــــال حبل المشيمه اتقطـــــع بينا
دا أنا لـسه مربوط بيكي وحبك بيجري في دمي
وآه
رباعيات للشاعر احمد الهمامى

فعلا رباعيات جميله عندك المزيد ؟؟